Escobar vazhdon të “çmendë” Kolumbinë, sa do kushtojë largimi i hipopotamëve të tij

Largimi i 70 hipopotamëve që i përkisnin bosit të drogës Pablo Escobar do t’i kushtojnë Kolumbisë 3.5 milionë dollarë.

Escobar solli hipopotamët në Kolumbi në fund të viteve 1980, por pas vdekjes së tij në 1993, kafshët u lanë të lëvizin lirshëm në Antioquia, ku autoritetet mjedisore ishin të pafuqishme për të kontrolluar përhapjen e tyre, raporton Guardian.

Sipas raporteve, nga katër hipopotamët origjinalë që u arratisën nga prona e fshatit të Escobar, tani ka rreth 130, popullsia më e madhe jashtë Afrikës.

Pa grabitqarët natyrorë për t’i mbajtur ata nën kontroll, popullsia e tyre do të vazhdojë të rritet në mënyrë eksponenciale dhe një studim vlerësoi se deri në vitin 2034 do të ketë 1,400 hipopotamë.

Autoritetet thanë se planifikojnë të kapin dhe zhvendosin pothuajse gjysmën e hipopotamëve në muajt e ardhshëm. Sipas autoriteteve përkatëse i gjithë operacioni do të kushtojë rreth 3.5 milionë dollarë.

Autoritetet në një moment u përpoqën të vrisnin kafshët, por hoqën dorë pasi ideja shkaktoi zemërim publik. Një nga idetë ishte sterilizimi, por hipopotamët po shumoheshin më shpejt sesa mund t’i gjenin, kapnin dhe tredhnin ekspertët vendas.

Studimet kanë paralajmëruar se hipopotamët po dëmtojnë ekosistemin në Magdalena – lumi më i madh i Kolumbisë, pasi çdo hipopotam ha rreth 40 kilogramë bar në natë, që do të thotë se jashtëqitja e tyre vetëm helmon ujin, vret peshqit dhe kërcënon biodiversitetin e pasur të lumit.

Hipopotamët gjithashtu po dëmtojnë gjithnjë e më shumë popullsinë vendase, me sulmet që janë bërë më të shpeshta vitet e fundit.

LEXONI GJITHASHTU:

• ‘Hipopotamët e kokainës’ së Pablo Escobar njihen ligjërisht si njerëz nga gjykata amerikane
• Nga milingona te luani, kopshti zoologjik i Londrës bën bilancin e kafshëve