Ish-futbollisti Edmond Dosti ka reaguar ashpër ndaj trajnerit italian të Partizanit, Giovani Colella, për paraqitjen e deritanishme të skuadrës kryeqytetase në kampionat.
Në emisionin “Kubi Sportiv” në Euronews Albania, Dosti tha se Colella është një amator dhe se e ka ‘mbushur kupën’ në drejtimin e Partizanit.
“Partizani, e kam thënë që në fillim, me trajner italian nuk i ka ecur asnjëherë. Të gjitha fjalët që kam thënë deri më tani, për fatin e keq kanë dalë.
Do doja që Partizani të ishte akoma më mirë, por kur mendoj që Partizani, para vitit të ri ishte 4 pikë larg dhe sot ndodhet 4 pikë mbrapa, kjo do të thotë që e ka mbushur kupën, është më pak se amator”, theksoi ai.