Eskorta e Albin Kurti sulmohet me vezë në Skënderaj, pezullohen tre policë

Tre efektivë të Policisë së Kosovës janë pezulluar për 72 orë për shkak të mungesës së reagimit gjatë një incidenti ku eskorta e kryeministrit në detyrë, Albin Kurti, u godit me vezë gjatë një vizite në Skënderaj.

Kurti qëndroi në Skenderaj për përurimin e një çerdhe, ndërsa vezët u hodhën nga persona të paidentifikuar.

Policia e Kosovës njoftoi pasditen e së martës se ka pezulluar për 72 orë tre zyrtarë policorë lidhur me “prishjen e rendit dhe qetësisë publike” ndaj eskortës së Kurtit në Skënderaj.

“Hetimet e mëtejme ndaj zyrtarëve policorë për shkelje të mundshme do të zhvillohen nga institucionet përkatëse kompetente”, thuhet në njoftimin e policisë.

LEXONI GJITHASHTU:

• Kurti hap Javën e Krenarisë në Kosovë: Secili ka të drejtë të jetë ashtu siç është
• Kriza politike në Kosovë, Kurti takon Bedri Hamzën