Estonia ka filluar patrullimet detare për të mbrojtur një kabllo që furnizon me energji elektrike nga Finlanda pas sabotimit të dyshuar të një tjetër në ditën e Krishtlindjes, tha ministri estonez i mbrojtjes, Hanno Pevkur.

“Ne kemi vendosur të dërgojmë marinën tonë pranë Estlink 1 për të mbrojtur dhe siguruar lidhjen tonë të energjisë me Finlandën,” postoi Pevkur në rrjetin social X.

Kablloja nëndetëse Estlink 2 u shkëput nga rrjeti të mërkurën , pak më shumë se një muaj pasi dy kabllo të telekomunikacionit u shkëputën në ujërat territoriale suedeze në Detin Baltik.

Autoritetet finlandeze thanë të enjten se po hetonin një cisternë nafte që lundroi nga një port rus në lidhje me “sabotimin” e dyshuar.

Anija Eagle S, e cila fluturon nën flamurin e Ishujve Kuk në Paqësorin Jugor, ishte rrugës për në Port Said në Egjipt.

Drejtori i përgjithshëm i doganave finlandeze, Sami Rakshit ka thënë se për momentin supozohet se bëhet fjalë për një anije të flotës hije dhe ngarkesa ishte benzinë ​​pa plumb e ngarkuar në një port rus

Flota hije i referohet anijeve që transportojnë produkte të papërpunuara dhe nafte ruse që janë embargo si rezultat i pushtimit rus të Ukrainës.

Policia dyshon se spiranca e cisternës së naftës mund të ketë dëmtuar kabllon e rrymës

Gjithashtu ministri i Jashtëm i Estonisë, Margus Tsahkna, tha një ditgë më parë se: “Dëmtimet në infrastrukturën kritike nënujore janë bërë aq të shpeshta sa është e vështirë të besohet se janë aksidente ose thjesht manovra të këqija detare”.

Zvarritja e një spirance në fund të detit vështirë se mund të konsiderohet një aksident, shtoi Tsahkna.

LEXONI GJITHASHTU:

• Dëmtohet kablloja elektrike nënujore që lidh Finlandën dhe Estoninë
• Si Finlanda po përgatitet ndaj agresionit të mundshëm rus, strategjia që po ndiqet