Euro 2024| Austria mposht Poloninë me rezultatin 3-1

Austria ka arritur një fitore bindëse ditën e sotme me Poloninë, duke marrë një rezultat 3-1.

Përballja e sotme në Berlin ishte një ndjeshje e vlefshme për grupin D.

Austria e nisi mirë duke kaluar shumë shpejt në avantazh me anë të qendërmbrojtësit Trauner, i cili në minutën e 9-të realizoi gol me kokë, duke mposhtur portierin Szczesny.

Polakët përfituan nga një rrëmujë në zonë dhe realizuan golin e barazimit me anë të Piatek.

Në pjesën e dytë, sërish ishin austriakët, që dominuan lojën dhe ishin në kërkim të golit të avantazhit.

Në mesin e pjesës së dytë, austriakët shënuan me anë të Baumgatner. Vetëm 12 minuta më vonë, një gabim i portierit Szczesny, bëri që arbitri turk Meler të jepte penallti në favor të Austrisë.

Penallti u ekzekutua saktë nga ana e sulmuesit të Interit, Marco Arnautoviç, për t’i çuar shifrat në 3-1.

Polakët mbeten në vendin e fundit të grupit, pa asnjë pikë, duke qenë kështu thuajse jashtë ‘Euro 2024’.

Ndërsa nga ana tjetër, me këtë fitore Austria ngjitet në kuotën e 3 pikëve dhe pret të përballet me Holandën në sfidën e fundit të saj, që do të vendosë edhe ‘fatin’ e ekipit në Euro 2024.

LEXONI GJITHASHTU:

• Shitet me çmimin rekord fanella e Bajramit kundër Italisë në Euro 2024, blerësi turk
• Euro 2024 | Kroaci-Shqipëri 2-1, përmbyset rezultati