Eurodeputeti gjerman shpërthen ndaj Peter Stano: Si guxon të flasë ashtu për Kosovën

Eurodeputeti gjerman, Reinhard Bütikofer, ka reaguar përmes një postimi në Twitter në lidhje me deklaratat e fundit të zëdhënësit të BE-së, Peter Stano, i cili e cilësoi Kosovën si të paaftë për të reaguar në mënyrë evropiane për uljen e tensioneve në veri.

Eurodeputeti ka kritikuar ashpër zëdhënësin e BE-së për gjuhën e përdorur, duke i kujtuar se një burokrat i BE-së nuk mund të guxojë të flasë ashtu për Kosovën apo për çdo vend tjetër të zgjedhur në mënyrë demokratike.

Në reagimin e tij të fortë në Twitter, eurodeputeti i bëri “tag” dhe Përfaqësuesit të Lartë të BE-së për Politikë të Jashtme e Siguri, Josep Borrell.

“Kosova, thotë ai [Stano], ka treguar “paaftësinë për të filluar të sillet në mënyrë evropiane”. Si guxon burokrati të flasë për qeverinë e zgjedhur në mënyrë demokratike të Kosovës apo të ndonjë vendi tjetër?”, shkroi Bütikofer.

The language, which @ExtSpoxEU uses, constitutes a scandal in itself! Kosovo, he says, has shown the “inability to start behaving in a European manner”. How dare the bureaucrat speak like that of the democratically elected government of Kosovo or any other country? @JosepBorrellF https://t.co/gCtXgreH9x

— Reinhard Bütikofer (@bueti) August 12, 2023

LEXONI GJITHASHTU:

• Vizita e Kurtit në RMV, Petkoviç: Pjesë e projektit të tij për Shqipërinë e Madhe
• Kurti kërkon nisjen e punimeve në ndërtimin e rrugës Prizren-Tetovë
• Qeveria e re në Malin e Zi, Berishaj: Posti i lartë që mund të marrë Nik Gjeloshaj