Europa shpëtoi për një fije nga rrezatimi bërthamor, thotë Zelensky

Evropa u përball me mundësinë e një katastrofe nga rrezatimi të enjten kur një central bërthamor i pushtuar nga Rusia u shkëput nga rrjeti i energjisë elektrike i Ukrainës, ka thënë presidenti Volodomyr Zelensky.

Ai shtoi se vetëm për shkak të furnizimit me energji elektrike rezervë, centrali i Zaporizhia ishte në gjendje të funksiononte në mënyrë të sigurt.

Zjarret kishin dëmtuar më parë linjat e energjisë elektrike, duke ndërprerë centralin.

Ekziston një shqetësim në rritje për luftimet pranë kompleksit, i cili është centrali bërthamor më i madh në Evropë.

“Nëse gjeneratorët me naftë nuk do të ishin ndezur, nëse automatizimi dhe stafi ynë i uzinës nuk do të kishin reaguar pas ndërprerjes së energjisë, tani do përballeshim me pasojat e aksidentit të rrezatimit”, paralajmëroi Presidenti Zelensky të enjten mbrëma.

Dëmi u shkaktua nga zjarret për të cilat agjencia shtetërore bërthamore e Ukrainës tha se kishin ndërhyrë në linjat e energjisë që lidhnin centralin të enjten, duke shkëputur përkohësisht Zaporizhzhia nga rrjeti kombëtar për herë të parë në historinë e saj.

LEXONI GJITHASHTU:

• Termocentrali bërthamor jashtë kontrollit, AI: Ukraina e Rusia po rrezikojnë civilët
• Putin jep dritën e gjelbër për misionin e OKB-së në impiantin e Zaporizhias