Rritja e çmimeve në muajin korrik rezulton të jetë në nivelin 5%. Ky është përfundimi që nxjerr Eurostat, ndryshe nga Instat që e raporton 1% më të ulët.
Rritja e çmimeve në muajin korrik ishte 5%, në vlerësimin që bën Instituti Europian i Statistikave. Në këtë nivel, duket se ka përplasje shifrash, pasi Instituti i Statistikave në vendin tonë nxjerr një rezultat më të ulët, me inflacion 4.2%.
Me metodologjinë që përdor Eurostat, rritja më e madhe e cmimeve është parë tek argëtimi dhe kultura, e më pas tek ushqimet dhe grupet e tjera.
Ndërkohë, inflacioni mesatar në Bashkimin Europian ishte 6.1 për qind në korrik.
Në vendet e BE-së inflacioni është ulur me ritme shumë të shpejta se në Shqipëri. Unioni u përball me rritje të çmimeve me ritme dyshifrore vitin e kaluar të nxitura nga çmimet e larta të energjisë, teksa në Shqipëri, rritja e çmimeve, që është ndikuar nga ushqimet, ka mbetur e qëndrueshme.
Që ekonomia të jetë e shëndetshme, duhet që inflacioni të jetë rreth 3 për qind, dhe me parashikimet e kryera nga Banka e Shqipërisë, ky nivel pritet të arrijë në pjesën e parë të vitit 2024, nëse tregjet do të funksionojnë normalisht.
LEXONI GJITHASHTU:
- Ulet popullsia në botë, Eurostat: Në Europë, gjysmë milioni më pak banorë se në 2020
- Eurostat: Shqiptarët nuk shpenzojnë për veshje
