Evakuohet qyteti Izraelit, shkak sulmet nga Hezbollahu. Reagon shteti hebre

Pas ditë të tëra përleshjesh me Hezbollah në kufi me Libanin, ushtria izraelite ka evakuuar qytetin Kirjat Shmona.

Sipas ushtrisë izraelite, 20 sulme u regjistruan nga Libani në territorin izraelit, përfshirë raketa anti-tank. Nga ana e tij, shteti hebre u përgjigj me artileri.

Ndërkohë, bilanci i viktimave në Izrael është ngjitur mbi 1.400 të vdekur që pas sulmeve të 7 tetorit, ndërsa në Gaza është mbi 4.100.

Pamje të publikuara nga ushtria izraelite tregojnë një sulm të ndodhur pranë një kishe ortodokse greke në veri të Rripit të Gazës. Sipas Hamasit, 18 persona, përfshirë fëmijë, që kishin kërkuar strehë brenda kishës mbetën të vrarë dhe të plagosur.

Vetë ushtria izraelite ka konfirmuar sulmin dhe dëmtimin e objektit të kultit në një nga sulmet e saj ndaj një komande të Hamasit dhe ka deklaruar se incidenti është në hetim e sipër.

LEXONI GJITHASHTU:

• Sulm me mjet shpërthyes pranë ambasadës izraelite në Qipro, detajet e para
• Ministri i mbrojtjes së Izraelit zbulon “planin në tri faza për të mposhtur Hamasin”
• Cili ishte roli i Katarit në lirimin e dy pengjeve amerikane