Evi Kokalari nis lëvizjen Konservatore, thërret qytetarët në takimin e parë

Evi Kokalari duket se do të zyrtarizojë partinë e saj ‘Konservatorët’ nga Durrësi.

Përmes një njoftimi në ‘Facebook’, Kokalari njofton se takimi i parë publik do të mbahet më datë 4 mars në Durrës.

Me sloganin ‘Shpëto Shqipërinë’ Kokalari u bën thirrje qytetarëve të jenë të pranishëm në këtë takim.

“Shihemi në Durrës! 4 Mars, 16:30 – Hotel Adriatiku. Hyrja e lirë për të gjithë”, shkruan Kokalari.

Ishte vetë Kokalari që pak ditë më parë njoftoi për partinë e saj.

Kokalari u shpreh se Shqipëria ka nevojë për një mentalitet të ri politik ndryshe nga ç’është parë 32 vitet e fundit.

Sipas saj, këtë mentalitet mund ta sjellë vetëm diaspora, në bashkëpunim me elementë konservatorë në Shqipëri dhe me ndihmën e konservatorëve amerikanë dhe evropianë.

LEXONI GJITHASHTU: 

• “Nuk ndihem i vlerësuar,” pedagogu rendit çfarë i mungon profesorëve
• Tërmeti/ Njerëzit vendosen tullumbace në rrënoja për të nderuar fëmijët viktima