Evropa në alarm nga gripi i shpendëve, masa për shmangien e një epidemie të re

7 Dhjetor 2022 | 19:45

Me rritjen e rasteve të gripit të shpendëve, qeveritë në Evropë po punojnë të alarmuara për të parandaluar një epidemi të mundshme. Miliona shpendë ferme janë asgjësuar në vende të ndryshme dhe masa të shumta janë marrë. Rajoni Vendee në Francë është ndër më të prekurit. Biznesi i këtij fermeri ende po merr veten nga dëmet e një epidemie të kaluar.

“Po e shohim fermën nga një këndvështrim tjetër. I themi vetes: po sikur të gjej një produkt tjetër për të mbajtur fermën? Këtë po bëjmë tani, po shqyrtojmë projekte të reja”, thotë Etienne Blanchard, fermer.

Në muajt e fundit, numri i epidemive është përshkallëzuar dramatikisht, me Francën dhe Gjermaninë që janë prekur më së shumti. Virusi vazhdoi edhe gjatë javës dhe pritet të arrijë nivele të reja gjatë vjeshtës dhe dimrit.

Me asgjësimin dhe kufizime të tjera të prodhimit, ekzistojnë shqetësime për furnizimin me produktet që kanë si bazë mishin e shpendëve, përfshirë gjelin e Krishtlindjes.

Virusi normalisht kalohet nga zogjtë e egër tek ata të fermave, ku mund të përhapet me shpejtësi mes shpendëve.

Gjithashtu, ai mund të vërë në rrezik kafshët e kopshtit zoologjik. Muajin e kaluar, kopshti në Berlin mbylli dyert pas vdekjes së një zogu ekzotik nga gripi i shpendëve. Raste të ngjashme u raportuan edhe në kopshte të tjera zoologjike të Gjermanisë.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Zjarret vdekjeprurëse në Spanjë, 12 nga 13 viktimat ishin të huaj

Autoritetet spanjolle kanë njoftuar se shtatë britanikë janë midis 12 të huajve të vrarë në zjarret në Spanjën jugore. Zyrtarët thanë se 12 nga 13 viktimat ishin...
08:28 | 15/07/2026

Rritet numri i të rinjve gjermanë që refuzojnë shërbimin ushtarak, ndërsa Berlini përpiqet të fuqizojë ushtrinë

Numri i të rinjve refuzojnë shërbimin ushtarak të armatosur në Gjermani është rritur ndjeshëm këtë vit, duke minuar një përpjekje të Berlinit për të krijuar ushtrinë më...
21:12 | 14/07/2026

Lavrov: Sulmet e SHBA-së ndaj Iranit mbyllin dyert për marrëveshje

Ministri i Jashtëm Rus Sergey Lavrov ka deklaruar se sulmet e SHBA-së ndaj Iranit i japin fund mundësisë për një marrëveshje të përkohshme paqësore. Ai...
19:19 | 14/07/2026