Exit pollet në Izrael: Netanjahu drejt kthimit në pushtet 

Ish-kryeministri izraelit, Benjamin Netanyahu, sipas rezultateve të exit poll-eve, fitoi mjaftueshëm mbështetje në zgjedhjet e sotme parlamentare për t’u rikthyer në pushtet.

Një sondazh i Kanalit 12 tregon se blloku ortodoks i krahut të djathtë i udhëhequr nga Netanyahu fitoi një shumicë të ngushtë prej 61 vendesh në Knesset prej 120 anëtarësh.

Sipas këtij sondazhi, koalicioni i udhëhequr nga kryeministri aktual Yair Lapid, fitoi 55 mandate, raporton Times of Israel. Një sondazh nga shërbimi publik izraelit Khan tregon rezultate të ngjashme, sipas të cilave koalicioni i Netanyahut fitoi 62 vende në parlament dhe Lapid 54.

LEXONI GJITHASHTU:

• Izraelitët u drejtohen sërish kutive të votimit
• Gjashtë palestinezë të vrarë në operacionet e ushtrisë izraelite