ExxonMobil mbyll aktivitetet në Rusi

Kompania energjitike ExxonMobil njoftoi të martën se do të ndërpresë të gjithë aktivitetet dhe investimet në Rusi.

Kompania tha përmes një deklarate se do të braktisë të gjitha projektet, përfshi këtu edhe një sipërmarrje të madhe nafte dhe gazi në ishullin Sakhalin.

“Nisur nga situata aktuale, ExxonMobil nuk do të investojë në projekte të reja në Rusi”, thuhej në deklaratë.

“Ne dënojmë aktivitetet ushtarake të Rusisë të cilat cenojnë integritetin territorial të Ukrainës dhe vë në rrezik popullin”.

Exxon ka deklaruar më parë se ka 1 mijë punonjës në Rusi dhe se vepron atje prej 25 vitesh.

Vendimi është i ngjashëm me atë të ndërmarrë me kompanitë e saj rivale, si Shell dhe BP.

LEXONI GJITHASHTU:

• Apple pezullon shitjet në Rusi
• Zbulohet lista e bankave të përjashtuara nga SWIFT—mungon banka më e madhe ruse