Facebook me një emër të ri për të përmirësuar imazhin

Teksa qarkullojnë lajme që Facebook do të ndryshojë emrin, qytetarë nga e gjithë bota ofruan të mërkurën sugjerimet e tyre për një emër që do të reflektonte ndryshimin në kompaninë e medias sociale.

“Aplikacioni i Pleqve”, “Libri i Spiunazhit” dhe “Facetagram” ishin mes emrave të sugjeruar nga banorët në Romë, Berlin, Moskë, Paris, Glasgou dhe Hong Kong, nisur nga zërat se kompania ka përgjuar përdoruesit e saj.

Facebook INC, që ndodhet në një stuhi nga entet rregullatore dhe ligjvënësit amerikanë për praktikat e tij të biznesit, planifikon ta etiketojë veten me një markë të re brenda një grupi.

Lëvizja do ta poziciononte aplikacionin e rrjetit social si një nga shumë produktet e varura nga një kompani mëmë që mbikëqyr rrjete të tjera si Instagram dhe WhatsApp. Emri i ri do të njoftohet javën e ardhshme.

LEXONI GJITHASHTU: 

• Facebook do të bëjë disa ndryshime dhe këta janë ata që do të përfitojnë
• Ndryshim rregullash në Facebook, më shumë mbrojtje për personat publik
• Facebook planifikon të punësojë 10.000 punëtorë në BE për realitetin virtual