Falsifikoi pikturat e artistit të njohur, 5 vite burg për ish-drejtorin e ankandit

Ish-drejtuesi i një ankandi, Michael Bartzman, u deklarua fajtor për falsifikim të pikturave të artistit Jean-Michel Basquiat.

Ai u dënua me 5 vjet burg. 45-vjeçari bashkë me një person inicialet e të cilit janë J.F., krijoi dhe shiti vepra arti që ai i paraqiti në mënyrë të rreme si vepra të Basquiat, thanë prokurorët federalë.

Në faqen e radios publike amerikane “NPR” thuhet se Bartzman dhe J.F., duke filluar nga viti 2012 prodhuan 20 deri në 30 piktura që i publikuan si të artistit amerikan Basquiat dhe i shitën duke ndarë fitimet.

Veprat e rreme të artit që Bartzman pikturoi dhe shiti gjetën rrugën e tyre në qarqet e artit dhe madje u shfaqën në një ekspozitë në Muzeun e Artit në Orlando si vepra nga Basquiat, raporton AP.

Vitin e kaluar, FBI sekuestroi 25 piktura false nga Muzeu i Artit në Orlando, i cili ishte një skandal i madh në botën e artit.

Jean-Michel Basquiat vdiq në moshën 28-vjeçare për shkak të mbidozës së drogës në vitin 1988.

LEXONI GJITHASHTU:

• Dritan Abazoviç: Dua të martohem, por s’më japin vajzën
• Tirana sërish në krye| Bardheblutë ‘thyejnë’ Kukësin, ‘ngec’ Partizani