Tirana sërish në krye| Bardheblutë ‘thyejnë’ Kukësin, ‘ngec’ Partizani

Gara në Superligën Shqiptare vijon të bëhet gjithmonë e më interesante, me skuadrat e kreut të cilat vijojnë luftën për vendin e parë. Pas javës së 28 është Tirana ajo e cila ka rrëmbyer vendin e parë pas fitores ndaj Kukësit në Elbasan Arena, ndërsa Partizanit i Kolelës qëndron në vendin e dytë.

Partizani barazoi me Egnatian në Rrogozhinë me rezultatin 1-1. Të kuqtë kaluan të parët në avantazh me sulmuesin Christian Mba, por në limite, vendësit shënuan golin e barazpeshës me Zejnullain. ME këtë barazim Egnatia renditet e treta me 42 pikë, ndërsa PArtizani i dyti me 48 pikë.

Pasditen e së dielës u zhvillua dhe sfida Tirana-Kukësi, e mbyllur në shifrat 2-1. Golat për bardheblutë u shënuan nga Hila e Hasani, ndërsa pëor verlilindorët Rashiti. Bardheblutë udhëheqin superligën me 50 pikë, 2 më tepër se rivalët e kryeqytetit. Këtë fundjavë fitore regjistruan dhe Laçi e Vllaznia konkretisht ndaj Teutës e Erzenit. Kujtojmë se përballja Kastrioti-Bylis është anulluar për shkak të kërcënimit të gjyqtarëve të takimit.

LEXONI GJITHASHTU:

• Rikthehet magjia e Champions League, dy supersfida këtë të martë
• Arsenali ndalet në ‘Anfield’, diferenca me vendin e dytë 6 pikë
• Burnley rikthehet në Premier, siguroi ngjitjen 7 javë para fundit të kampionatit