Vetëm 1 vit ka qëndruar skuadra e Burnleyt në Championshipin anglez, teksa ende pa u mbyllur sezoni aktual, ka siguruar rikthimin në elitën e futbollit anglez.
Skuadra që drejtohet nga një emër i njohur si ish-mbrojtësi belg i Manchester City, Vincente Kompany ka zhvilluar një rrugëtim fantastik ku në 39 ndeshje të luajtura numëron vetëm 2 humbje.
Triumfi në transfertë ndaj Middlesbrough me rezultatin 1-2 siguroi matematikisht ngjitjen në elitë, edhe pse mbeten dhe 7 javë deri në fundin e Championshipit.
Burnley gjithashtu ka sulmin dhe mbrojtjen më të mirë në kampionat, me 76 gola të shënuar dhe 30 të pësuar deri më tani. Vendi i dytë mbahet nga Sheffield United që me shumë mundësi do të jetë skuadra tjetër që ngjitet në Premier League, ndërsa vendi i tretë do të zhvillojë fazën play off, për të siguruar vendin në elitë.
Kujtojmë se Premier League angleze ka ende dhe 9 javë deri në përfundim, ndërsa ende nuk dihet se cila skuadër do të bjerë nga kategoria.
LEXONI GJITHASHTU:
- Masa drastike për Manchester City, klubi mund të përjashtohet nga Premier League
- Java e 15-të e Premier League, Arsenal ‘kampion’ i dimrit
