Familja kërkon drejtësi për ish-pjesëtarin e Njësisë Speciale në Kosovë

Familja e Arbnor Spahiut, ish-pjesëtar i Njësisë Speciale të Policisë së Kosovës, i cili ndodhet në paraburgim në Serbi për rreth 9 muaj, ka bërë të ditur organizimin e një proteste paqësore nesër në sheshin kryesor të Prishtinës.

Në një njoftim për media, familja ka bërë thirrje për mobilizim në mënyrë që të ngrihet zëri kundër asaj që ata e konsiderojnë si padrejtësi ndaj Arbnorit dhe familjes së tij. Ata kërkojnë reagim më të fuqishëm nga institucionet vendore dhe ato ndërkombëtare për lirimin e tij.

“Kjo protestë ka për qëllim t’u bëjë thirrje institucioneve vendore dhe ndërkombëtare që të reagojnë ndaj padrejtësisë me të cilën Arbnori dhe familja e tij po përballen tash e katër muaj,” thuhet në komunikatën e familjes Spahiu.

Protesta pritet të mbahet ditën e nesërme në sheshin kryesor të Prishtinës, ku familjarët kërkojnë drejtësi dhe lirimin e Arbnor Spahiut.