“Familjarët e tij po kërcënojnë votuesit”- Goro i përgjigjet Dules: Fol me prova

Kandidati i Partisë Socialiste për Himarën, Jorgo Goro, i është përgjigjur akuzave të kreut të PBDNJ, se familjarë të tij po kërcënojnë dhe po blejnë votuesit jashtë qendrave të votimit.

Goro tha se në Himarë procesi po vijon i qetë dhe se asnjë pretendim i kreut të PBDNJ nuk qëndron.

Ai theksoi se nëse Dule ka prova dhe fakte t’i nxjerrë ato së bashku me emrat e personave që kanë intimiduar votuesit.

“Vota duhet të jetë për atë që mendojnë, pa asnjë hezitim. I ftoj të gjithë qytetarët që nuk kanë votuar të shprehin vullnetin e tyre të lirë.

Nuk ka një gjë të tillë. Vangjel Dule duhet të na i thotë me fakte se ku dhe kë kanë kërcënuar apo intimiduar për të votuar për këdo. Në qendrat e votimit ka qetësi dhe njerëzit po votojnë për të shprehur vullnetin e tyre”, tha Goro.

LEXONI GJITHASHTU:

• Vangjel Dule: Denoncoj presionin dhe ofrimin e parave nga familjarët e Goros
• VIDEO| Tensione në Maliq të Korçës, Edmond Spaho tërheq prej krahu votuesin
• Votuesi godet me grusht anëtarin e komisionit, thirret policia në Fushë Krujë