Familjet e viktimave të 7 tetorit padisin në SHBA Iranin, Sirinë, Korenë e Veriut

Familjarët e viktimave të sulmit të Hamasit në jug të Izraelit më 7 tetor kanë ngritur një çështje në një gjykatë amerikane kundër Iranit, Sirisë dhe Koresë së Veriut, duke pretenduar se mbështetja e tyre për grupin e armatosur palestinez lehtësoi sulmin që dëmtoi të dashurit e tyre.

Irani, Siria dhe Koreja e Veriut “siguruan mbështetje materiale dhe burime” që i mundësuan Hamasit të kryente sulmin, sipas ankesës së paraqitur në një gjykatë federale në Uashington të hënën, raporton shërbimi gjerman i lajmeve DPA.

Paditësit në këtë çështje, e cila u ngrit nga Lidhja Pro-Izraelite Anti-Shpifje në emër të 125 viktimave dhe familjeve të tyre, po kërkojnë kompensim prej të paktën 4 miliardë dollarësh për rrëmbimin dhe vrasjen e të afërmve të tyre.

Nëse padia është e suksesshme, raporton DPA, familjet mund të kompensohen nga një fond amerikan i krijuar nga Kongresi për viktimat e terrorizmit.

Paratë për financimin e rasteve të tilla vijnë nga pasuritë e konfiskuara dhe gjobat nga kompanitë që zbulohet se kanë kryer biznes të paligjshëm me shtetet që janë klasifikuar dhe sanksionuar nga SHBA sipas ligjeve kundër terrorizmit.

LEXONI GJITHASHTU:

• Hamasi: Sulmet izraelite në Gaza vranë të paktën 42 persona
• Izraeli sulmon zyrat e OKB-së në Gaza, të paktën 8 të vdekur