Izraeli sulmon zyrat e OKB-së në Gaza, të paktën 8 të vdekur
Një sulm ajror izraelit ndaj një qendër ndihmash të OKB-së në Qytetin e Gazës vrau 8 persona të dielën. Rrjeti informativ “Al Jazeera” raportoi se shteti hebre goditi hyrjen kryesore të kompleksit, që përdorej për shpërndarjen e ndihmave përgjatë enklavës. Në momentin e sulmit, qindra persona strehoheshin brenda tij.
Nga ana tjetër, kryeministri izraelit Benjamin Netanyahu dyfishoi akuzat se aleati kryesor i vendit, Shtetet e Bashkuara, nuk po e furnizonte me armë, duke vënë në dukje se ka pasur një “rënie dramatike” në dërgimin e tyre, vetëm pak ditë pasi administrata Biden mohoi pretendimet e tij.
“Duke qenë se kjo situatë zgjat prej muajsh, vendosa të shprehem publikisht. Po e bëj këtë pas vitesh të tëra eksperiencë dhe duke e ditur se ky hap është jetik për të zhbllokuar situatën”, tha Netanyahu gjatë një takimi me kabinetin.
Ndërkohë, në Beit Lahiya, dy fëmijë të mitur vdiqën si pasojë e kequshqyerjes, duke e çuar bilancin e vdekjeve nga etja dhe uria në të paktën 31 persona.
Në përditësimin e saj të fundit, Ministria e Shëndetësisë në Gaza deklaroi se mbi 37 mijë e 550 persona ishin vrarë në Rripin e Gazës që prej 7 tetorit, shumica e të cilëve fëmijë. Ndërkohë, rreth 86 mijë janë të plagosurit.
LEXONI GJITHASHTU:
Kryefaqja
U helmua me kërpudha, gazetari që zbuloi lidhjen e dyshuar të Putinit gjendet i vdekur në mërgim
Më afër se Hëna, një asteroid “krejtësisht i padëmshëm” së shpejti do të kalojë pranë Tokës
Macja Larry në Britaninë e Madhe që ka përcjellë gjashtë kryeministra
- 17:38 U helmua me kërpudha, gazetari që zbuloi lidhjen e dyshuar të Putinit gjendet i vdekur në mërgim
- 17:36 E hëna dhe e marta ishin ditët më të nxehta për muajin qershor në Spanjë që nga viti 1950
- 17:02 Më afër se Hëna, një asteroid “krejtësisht i padëmshëm” së shpejti do të kalojë pranë Tokës
- 16:57 Macja Larry në Britaninë e Madhe që ka përcjellë gjashtë kryeministra
- 16:55 Rama pret ambasadorin e ri të Turqisë në Shqipëri
- 16:51 Italia kritikon shefin e NATO-s, deklaroi se 500 baza ushtarake italiane do përdoren kundër Iranit