Fatkeqësitë natyrore prekin ekonominë, Sejko: 1 krizë dëmton 1.3% të prodhimit

Shqipëria renditet ndër vendet më të prekshme nga krizat natyrore. Në takimin e radhës së Bankës së Shqipërisë dhe BERZH për rezultatet e raportit të tranzicionit, në fokus të debatit ishte klima dhe ekonomia e qëndrueshme.

Ekonomia shqiptare renditet ndër më vulnerabël në botë nga ndryshimet klimatike. Lajmin e bën të ditur guvernatori i Bankës së Shqipërisë, Gent Sejko, i cili thotë se fatkeqësitë natyrore dëmtojnë në masën 1.3% prodhimin e brendshëm bruto.

 “Indeksi global i përshtatjes i matur nga universiteti i Notre Dam e rendit Shqipërinë mes vendeve vulnerabël nga ndryshimet klimatike. Po ashtu FMN ka sugjeruar se Shqipëria ka mesatarisht një fatkeqësi natyrore në vit që shkakton dëme deri në nivelin e 1.3% të PBB dhe prek të paktën 1 në 200 banor të vendit.”

Në takimin e radhës së Bankës së Shqipërisë me Bankën Evropiane për Rindërtim dhe Zhvillim në prezantimi e Raportit të Tranzicionit, një fokus të debatit ishte impakti  klimës dhe krizat natyrore në ekonominë e vendit, ku Sejko theksoj mungesën e të dhënave lidhur me klimën dhe nevojën e politikave ekonomike më të qëndrueshme:

 “Për momentin, duhet të pranojmë se ekziston një hendek i madh në të dhënat e lidhura me klimën. Megjithatë, kapërcimi sa më i shpejtë i tij do të krijonte premisa për të përmirësuar më tej modelet tona makroekonomike, analizat e skenarëve dhe vlerësimin e rrezikut”.

Së dyti, në promovimin e financave të gjelbra. Për këtë qëllim, ne kemi miratuar së fundmi “Strategjinë për Menaxhimin e Rreziqeve Financiare të lidhura me Ndryshime Klimatike, 2023-2025. Së treti, në forcimin e bashkëpunimit me partnerët vendas dhe të huaj.

Nga ana tjetër raporti theksoi kontributin e rëndësishëm të turizmit në ekonominë e vendit vitin e kaluar si rrjedhojë e numrit të lart të vizitorëve të huaj, i cili ka ndikuar dhe në rritjen e sektorit të pronave të patundshme dhe në industrinë e argëtimit.

LEXONI GJITHASHTU:

• Ky është ekonomisti që mbante prej muajsh të ngujuar familjen: Doja t’i kontrolloja
• Kurti: Hapja e korridoreve ajrore me Shqipërinë, përfitime mjedisore dhe ekonomike