Ky është ekonomisti që mbante prej muajsh të ngujuar familjen: Doja t’i kontrolloja

Personi që shihni në foton e mësipërme është ekonomisti Jetnor Zhaboli, i cili u arrestua këtë të premte në Tiranë, pasi mbante të ngujuara bashkëshorten, nënën dhe dy fëmijët e mitur.

Policia kishte arritur të merrte informacione në lidhje me mbajtjen të izoluar të familjes nga ana e 35-vjeçarit.

Kur kanë shkuar në ambientet e banesës në zonën e Selitës, efektivët kanë vënë re që kishte një mbikqyrje të shtuara më kamera sigurie.

E gjithë banesa ishte e kyçur dhe dëgjoheshin vetëm zërat e njerëzve që ishin brenda.

Në këto kushte policia ka marrë 35-vjeçarin për të hapur banesën. Pasi u zbulua ngujimi që i bënte familjes, ai deklaroi se e bënte një gjë të tillë për t’i mbajtur nën kontroll, pasi ishte xheloz.

Zhaboli kishte arritur deri aty sa kishte instaluar kamera edhe brenda banesës, në tualet e në dhomën e gjumit dhe i monitoronte nga telefoni kur nuk ishte në banesë.

Gjithashtu ai kishte montuar bllokues valësh në banesë në mënyrë që familjarët e tij të mos komunikonin me askënd tjetër nga jashtë.

Bashkëshortja e tij ka tentuar të kryente vetëvrasje. Uniformat blu të kryeqytetit në banesën e tyre kanë gjetur dy letra ku kjo e fundit ka shkruar për familjen e saj duke iu dhënë lamtumirën dhe ku iu kërkonte falje.

Përveçse i mbante të mbyllura në banesë, 35-vjeçari ushtronte dhunë fizike dhe psikologjike, në mënyrë të vazhdueshme, ndaj bashkëshortes.

Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshën Tiranë, për veprime të mëtejshme procedurale.

LEXONI GJITHASHTU:

• Kishte montuar kamera në tualet, si 35-vjeçari mbante të mbyllura gruan e fëmijët
• Iu bllokonte valët e telefonit, kush është i riu që mbante të mbyllura nënën e gruan