Fëmijët e ‘rrëmbyer’ ukrainas dënohen sepse nuk kënduan himnin rus

Fëmijët që janë kthyer në Ukrainë pasi ishin ‘rrëmbyer’ me forcë në Rusi, kanë rrëfyer dënimet që i jepeshin nga autoritetet ruse.

Daria Harasymchuk, këshilltarja ukrainase për të drejtat e fëmijëve, tha se fëmijët kishin pretenduar se ishin rrahur vetëm pasi përmendën se ishin ukrainas.

Gjithashtu ajo shtoi se fëmijët ndëshkoheshin kur nuk këndonin himnin rus.

Dënime të tjera thuhet se përfshinin ndalimin nga shëtitjet dhe detyrimin për të rishkruar tekste ruse disa herë.

Harasymchuk tha se fëmijëve iu ishte thënë se prindërit e tyre i kishin “braktisur” dhe se askush nuk po i priste më në Ukrainë.

Deri më tani, raportohet se rreth 19,000 fëmijë ukrainas janë dërguar në Rusi që nga fillimi i pushtimit të ukrainës në muajin shkurt 2022.

LEXONI GJITHASHTU:

• Bjellorusia kërkon garanci sigurie nga Rusia
• Wimbledon pezullon ndalimin ndaj lojtarëve rusë dhe bjellorusë