Bjellorusia kërkon garanci sigurie nga Rusia

Udhëheqësi autoritar i Bjellorusisë, Alexander Lukashenko, më 10 prill ka biseduar me ministrin rus të Mbrojtjes, Sergei Shoigu, në kryeqytetin e Bjellorusisë, Minsk, njoftoi agjencia shtetërore bjelloruse e lajmeve BelTA.

Siç raportohet, Lukashenko ka thënë se Bjellorusisë i nevojiten garanci se Rusia do ta mbrojë këtë vend “si territorin e saj” në rast të një sulmi.

Ai tha se ka biseduar me presidentin rus Vladimir Putin, lidhur me garancitë për siguri, shkruan REL.

Në fjalimin e tij vjetor drejtuar kombit, më 31 mars, Lukashenko mbrojti planin e Rusisë për të vendosur armë taktike bërthamore – duke përfshirë raketa balistike ndërkontinentale, nëse është e nevojshme – në territorin e Bjellorusisë, duke theksuar se vendi ishte i ekspozuar ndaj kërcënimeve në rritje nga Perëndimi. Megjithatë, ai nuk ofroi asnjë provë për ndonjë kërcënim konkret nga Perëndimi.

LEXONI GJITHASHTU:

• Wimbledon pezullon ndalimin ndaj lojtarëve rusë dhe bjellorusë
• Bjellorusia kërcënon Perëndimin, Lukashenko: Do rikthejmë armët bërthamore