Femrat duhet t’i mbyllin lindjet para moshës 35-vjeçare, thotë mjekja gjinekologe

Mjekja gjinekologe, Enriketa Kroi thotë se femrat duhet të mbyllin lindjet para moshës 35-vjeçare, që të kenë fëmijë më të shëndetshëm dhe shtatzani të mbarë.

Në emisionin “Good Morning Albanians”, Kroi nënvizoi se është rritur mosha e femrave të cilat bëhen nëna për herë të parë, por edhe të atyre që i mbyllin shtatzanitë.

“Për t’u bërë nënë nuk është e nevojshme të mbarosh fakultetin, të bësh masterin apo doktoraturën. Madje, do ishte mirë që nën moshën 35-vjeç femra t’i ketë mbyllur lindjet, në prizmin që të kemi fëmijë më të shëndetshëm, shtatzanitë janë më të mbara.

Megjithatë, prej disa vitesh, ne gjinekologët kemi vënë re që është rritur mosha e nënës, jo vetëm në shtatzaninë e parë, por përgjithësisht kur i mbyllin shtatzanitë. Unë kam paciente të cilat janë shtatzanë në moshën 45-vjeç”, theksoi ajo.

LEXONI GJITHASHTU

• Tolka: Aktorët që i kanë bërë ‘furça’ pushtetit, vijuan punën në teatër
• Budina: Duhet të kemi dy teatro, jo të shfrytëzohen interesat mafioze
• Aktorja Tolka: Qeveria synon ndërtimin e kullave dhe pastrimin e parave, jo teatrin