Fermerët e Maliqit në protestë, bllokojnë aksin Korçë-Pogradec: Nuk po ia dalim dot

Për të dytën herë fermerët e fushës së Maliqit kanë protestuar në aksin nacional Korçë – Pogradec.

Shkak i protestës së tyre është bërë mosshitja e prodhimeve bujqësore si gruri, misri e patatja, kultura këto që zënë sipërfaqen me të madhe të kësaj fushe.

Edhe njëherë tjetër fermerët Maliqit kanë kërkuar ndërhyrjen e ministrise se linjës por dhe të qeverisë për të gjetur rrugën e duhur të ruajtjes së ekuilibrave import – eksport, pasi sipas tyre kulturat bujqësore që vijnë nga vendet e rajonit e më gjerë kanë dëmtuar shitjen e prodhimeve vendase

Edhe kësaj here në mbështetje të fermereve kanë dalë shoqata e biznesit të vogël e të mesëm të Shqipërisë. Nënkryetari i kësaj shoqate i ka kërkuar qeverise të marrë masa të menjëhershme për shitjen e prodhimeve vendase e ka paralajmëruar për përshkallëzim të protestave.

“Pse ndodh në këtë vend të jetë 2 mijë lekë litri i naftës, në çdo vend të rajonit është 1 euro. Nuk i kemi shitur prodhimet. Unë kam mijë kuintalë patate, gruri po e po pa shitur, qepa gjithashtu. Ne duam subvencione nga shteti, se shteti nuk na i shet dot prodhimet. Nuk dalim dot të konkurrojmë në treg me 20 lekë”, tha një prej protestuesve.

Fermerët janë shprehur se ka patur presion nga ana e policisë duke mos i lejuar të nxjerrin mjetet e tyre bujqësore, ndërkohë që herën e kaluar ata u gjobiten me gjoba deri në 1 milion lek te vjetra.

LEXONI GJITHASHTU:

• Protestuan dhe bllokuan aksin Korçë-Pogradec, gjobiten fermerët në Maliq
• Fermeri nga Lushnja: Gruri shqiptar konkurron me atë të Serbisë e Ukrainës