Ferri i emigrantëve në det, nuk lejohen të zbarkojnë në Itali

Pamjet tregojnë çdo gjë,  në det ata po përjetojnë ferrin edhe pse janë  pak kilometra larg portit të Lampedusa.

Emigrantët  luftojnë për të qëndruar mbi ujë ndërsa ekipet e ndihmës luftojnë për t’i shpëtuar. Që nga mesnata në këtë port kanë arritur  118 emigrantë: një i porsalindur vetëm 20 ditësh mbërriti i vdekur, vuante nga probleme të frymëmarrjes; një grua vdiq nga hipotermia.

Kur ata luftojnë për jetën edhe  polemika politike është në rritje. Kryeministrja italiane Giorgia Meloni kritikoi të mërkurën vendimin e zyrtarëve  për të lejuar rreth 250 persona që ishin në bordin e dy anijeve të zbarkojnë në Catania për arsye shëndetësore.

Anijet, u ankoruan në qytetin sicilian në fundjavë, qeveria fillimisht lejoi  të zbrisnin vetëm njerëzit në gjendje jo të mirë shëndetësore  dhe u KëRKOI të ktheheshin në ujërat ndërkombëtare së bashku me emigrantët në bord.

Por autoritetet shëndetësore vendosën  të zbarkojnë të gjithë emigrantët, të konsideruar të brishtë për shkak të problemeve psikologjike. Vendimi është cilësuar i çuditshëm nga kryeministri Meloni.

Shfaqja e forcës së Giorgia Melonit ka zemëruar ekzekutivin francez.

“Qëndrimi aktual i qeverisë italiane dhe në veçanti deklaratat dhe refuzimi për ta lënë këtë varkë të ankorohet, në kundërshtim me të gjitha rregullat evropiane të pranuara nga të gjitha vendet e bashkimit, është i papranueshëm” u shpreh zëdhënësi i qeverisë franceze

640 emigrantë zbarkuan në 36 orë në Italinë jugore duke shtuar retorikën në shtetin fqinj.

LEXONI GJITHASHTU: 

• Kaos në Francë, sektori publik në grevë për paga dhe kushte më të mira
• ‘Lojtarët e mi trukonin ndeshje’, Rudi Vata lëshon deklaratën e fortë