Festat e fundvitit sjellin fluks automjetesh në rrugët e Gjirokastrës

Festat e fundvitit kanë shtuar fluksin e qarkullimit të automjeteve në qytetin e Gjirokastrës. Kthimi i emigrantëve nga Greqia ka sjell një rritje të ndjeshme të lëvizjes së automjeteve në rrugën kombëtare Gjirokastër-Kakavije.

Sipas Policisë Kufitare në Gjirokastër, gjatë 24-orëve të fundit në Kakavijë kanë kaluar 7472 shtetas në hyrje-dalje, nga të cilët 5300 në hyrje dhe 2172 në dalje, si dhe 2340 mjete në hyrje – dalje, nga të cilat 1607 në hyrje dhe 733 në dalje.

Shtim të trafikut rrugor në këto ditë festash ka edhe në rrugët e brendshme të qytetit. Policia Rrugore ka rritur prezencën në rrugët kombëtare dhe dytësore me qëllim evitimin e aksidenteve.