Festë për aneksimet, Putin: Qytetarët e 4 rajoneve zgjodhën Rusinë

Disa qindra persona u mblodhën mbrëmjen e së premtes në Sheshin e Kuq, për të festuar aneksimin e territoreve ukrainase.

Presidenti rus u rrethua nga përfaqësuesit “kukull” të 4 rajoneve për të certifikuar aneksimin më të madh përmes forcës që prej Luftës së Dytë Botërore.

“Është e drejta e gjithkujt të bëjë zgjedhje. Njerëzit morën pjesë në referendum dhe e bënë atë. Zgjidhën të jenë me mëmëdheun, me Rusinë”, u shpreh Putin.

Reagimi i Ukrainës ishte i shpejtë dhe acaroi më shumë konfliktin, pasi vendi përsëriti kërkesën për t’u anëtarësuar në NATO.

Një anëtarësim që për momentin duket se nuk ka gjasa të ndodhë, por që ndryshon statusin e Ukrainës pas 7 muaj luftë, kohë gjatë të cilës aleatët shpresonin tek negociatat e paqes.

“De fakto, ne e kemi përfunduar rrugëtimin tonë për në NATO. De fakto, ne e kemi provuar ndërveprimin sipas standardeve të Aleancës, duke e treguar në fushën e betejës. Gjithashtu, ne i besojmë njëri-tjetrit, ndihmojmë njëri-tjetrin dhe mbrojmë njëri-tjetrin. Për këtë shërben Aleanca”, tha presidenti Ukrainas Zelenski.

Ai shtoi se nuk do të ulet në tryezën e negociatave përsa kohë Putin të jetë president i Rusisë.

LEXONI GJITHASHTU:

• ‘Jam i vetmi në botë’, Vuçiç na tregon se çfarë konsumon për mëngjes
• I dërguari gjerman për Ballkanin: Koha që Vuçiç të vendosë, pro apo kundër BE-së
• I dërguari gjerman: Procesi i Berlinit nuk është kundër asnjë projekti