24 gushti shënon ditën e pavarësisë së Ukrainës, kur vendi deklaroi mëvetësinë nga Bashkimi Sovjetik. Me rastin e kësaj dite edhe në Tiranë janë zhvilluar disa ceremoni simbolike dhe janë shpërndarë mesazhe urimi nga diplomat të huaj dhe politikanë vendas.

Një përfaqësi e trupit diplomatik në Tiranë zhvilluan një vizitë në ambasadën e Ukrainës që ndodhët në qendër në kryeqytetit në rrugën që është riemërtuar “Rruga Ukraina e Lirë”.

Duke publikuar disa foto nga ceremonia në ambasadën ukrainase, selia diplomatike e SHBA në Tiranë shkruan se lufta e ukrainasve për liri dhe demokraci është një shembull i fuqishëm për botën. Teksa ata qëndrojnë në këmbë përballë fatkeqësive, pjesa tjetër e botës qëndron me ta në solidaritet dhe shpresë.

Ndërkohë, Ambasadori i BE-së Silvio Gonzato tha se BE-ja dhe partnerët e saj janë pranë jush ndërsa luftoni kundër agresionit rus, për të mbrojtur sovranitetin tuaj dhe respektimin e ligjit ndërkombëtar.

Urime për ditën e pavarësisë së Ukrainës përcolli edhe kryetarja e Kuvendit, Elisa Spiropali, e cila theksoi se Shqipëria ka mbajtur e mban një qëndrim të palëkundur në mbështetje të Ukrainës, bashkë me ShBA-të, BE-në, NATO-n, dhe botën demokratike, në të gjitha forumet dhe organizatat ndërkombëtare.

LEXONI GJITHJASHTU:

• Bruksel| Flamuri gjigant i Ukrainës shpaloset në ditën e saj të Pavarësisë
• Modi viziton Ukrainën, përpjekjet e kryeministrit indian për t’i dhënë fund luftës