Morina ka qenë skena e një prej festimeve më unike për 28 Nëntorin, ku dhjetëra veteranë të Ushtrisë Çlirimtare të Kosovës kanë zgjedhur një mënyrë të veçantë për të ndezur atmosferën festive. Me këngën legjendare kushtuar heroit Adem Jashari, ata kanë kaluar kufirin që qëndron i hapur për festa, pa kontrolle kufitare.
Zërat e fuqishëm të veteranëve kanë emocionuar qytetarët e shumtë që ndodheshin në kufirin mes Kosvës dhe Shqipërisë.
28 Nëntori i këtij viti shënon 112 vjet që nga shpallja e Pavarësisë në Vlorë, dhe më shumë se një shekull më pas, kjo ditë vazhdon të mbledhë bashkë shqiptarët nga të gjitha trevat.
Në këtë frymë uniteti, nga Kosova drejt Shqipërisë janë nisur me mijëra qytetarë. Shumë prej tyre kanë kaluar kufirin për t’iu bashkuar festimeve në qytete të ndryshme shqiptare.
Për qytetarët nga Kosova, 28 Nëntori mbart një ndjesi të veçantë, si një ditë që bashkon shqiptarët kudo që ndodhen. Ajo përkon jo vetëm me Ditën e Pavarësisë por është dhe ditëlindja e komandantit legjendar Adem Jashari, si dhe është dita e daljes së parë publike të UÇK-së.
“Kjo është dita jonë, e flamurit dhe e kombit,” shprehen të emocionuar disa prej tyre, teksa vijojnë rrugën drejt qyteteve si Tirana, Vlora apo Shkodra.
View this post on Instagram
LEXONI GJITHASHTU:
- Politika uron Ditën e Pavarësisë: Rama shpërndan videon, Meta mesazh nga burgu
- Rama dhe Kurti bashkë në Vlorë, mbahet ceremonia shtetërore për Ditën e Pavarësisë
