Festivali “Luleborë” në Shkodër, Gjergj Kaçinari merr çmimin e parë

Spektatori shkodran ka përjetuar një tjetër mbrëmje të bukur me këngët e festivalit “Luleborë”, në natën finale të edicionit të 8-të të zhvilluar në teatrin “Migjeni”, i mbushur në të gjithë kapacitetin e tij.

Me vargje të Filip Shirokës dhe muzikë të Alfred Kaçinarit, poezia e kthyer në këngë “Shko dallëndyshe” u vlerësua nga juria me çmimin e parë të festivalit “Luleborë”. Këngëtari Gjergj Kaçinari, i emocionuar pas fitores thotë se ky ishte bashkëpunimi i parë artistik me babanë e tij.

“Luleborë”, festivali i organizuar në Shkodër mbetet një pikë referimi për artistët e qytetit por edhe përtej.

Me çmimin “Simon Gjoni”, kompozitorit të Luleborës, juria vlerësoi duetin Ea Zoga dhe Arseld Muça me një këngë protestë ndaj luftës.

Çmimi i dytë i festivalit iu dha këngëtarit nga Gjakova Artan Bakija me këngën “Ndjenja e dëshpërimit” ndërsa me çmimin e tretë u vlerësua Laorjan Ejlli me këngën “Gjithë jetën dashuri kërkojmë”. Festivali “Luleborë” mbylli edicionin e tetë të tij në Shkodër.

LEXONI GJITHASHTU:

• Flet amerikani që humbi shikimin në sulmin në festivalin “Supernova” në Izrael
• Më shumë se 250 trupa u gjetën pas sulmit të Hamasit në festivalin muzikor