Festivali “Tomatina” ngjyros qytetin spanjoll me ngjyrë të kuqe

Në qytetin lindor të Spanjës, Buñol, qytetarë dhe turistë kanë qëlluar drejt njëri-tjetrit me gëzim tonelata me domate, në atë që njihet si festivali vjetor “Tomatina”.

Kjo traditë, e cila vijon që prej viti 1945 dhe kulmon çdo vit të mërkurën e fundit të gushtit, është zhvilluar në një zonë të pasur me domate.

Fitimi i mbulimit  mediatik gjatë viteve 1980 e çoi atë në një fenomen mbarëbotëror, duke tërhequr tani pjesëmarrës nga e gjithë bota.

E mbajtur në Bunõl, afër Valencias, në festival morën pjesë  22,000 njerëz këtë vit.

Mbetjet e ushqimit nuk janë problem, pasi domatet e përdorura si “municion” nuk janë të përshtatshme për konsum nga njerëzit.

LEXONI GJITHASHTU:

• Festivali “Bilbilat e Labërisë” në Tepelenë, “folklori” promovon traditën
• Festivali divani lunxhot, artistët promovojnë folklorin dhe turizmin në Lunxhëri