Fillon kampionati italian, Fiorentina mposht Torinon në ndeshjen e parë të sezonit

Sezoni i ri në Serinë A ka nisur me fitoren 1-0 të Fiorentinës përballë Torinos. Një takim i dominuar nga ekipi vjollcë që e kërkoi fitoren më shumë se kundërshtarët dhe në fund arriti të dilte me tri pikë nga kjo përballje.

Goli i fitores u realizua nga Castrovilli në minutën e 78′ të ndeshjes pas një asisti të Federico Ciesas. Numri 10 i Fiorentinës jo vetëm qe realizoi golin e suksesit për ekipin e tij, por edhe golin e para në këtë sezon të ri të Serisë A.

Skuadrat u rikthyen në fushë pas një periudhë të vështirë ku kishin pak kohë në dispozicion për të pushuar dhe për t’u bërë gati për nisjen e kampionati pasi sezoni i shkuar u mbyll vonë për shkak të Covid-19. 

Ndërkohë që në kampionatin aglez, Manchester United u mposht 1-3 në “Old Traford” nga Crystal Palace. Një nisje jo e mirë kjo për “Djajtë e kuq” që vijojnë të kenë probleme edhe në këtë sezon të ri.