Filmi “Dilema e Ismailit”, Rama: Dëshmi e forcës së besës shqiptare dhe humanizmit në kohët më të errëta

Kryeministri Edi Rama përmes një postimi në “Instagram” ka ndarë një video nga filimi “Dilema e Ismailit”. Rama shkruan se së shpejti filmi do të transmetohet për publikun shqiptar teksa thekson se ky film dëshmon forcën e besës shqiptare.

Filmi është i bazuar në një ngjarje të vërtetë te regjistruar në fshatin Shëngjergj ku një familje refuzon që t’iu dorëzojë gjermanëve dy hebrenjtë të cilët i kishin strehuar. Për të mos thyer besën e tyre, burri i familjes ekzekutohet nga gjermanët së bashku me priftin e fshatit.

“Filmi “Dilema e Ismailit”. Filmi do të transmetohet për herë të parë shumë shpejt për publikun shqiptar. Një histori e bazuar në ngjarje të vërteta, të ndodhura në fshatin Shëngjergj, Tiranë, që dëshmon forcën e Besës shqiptare dhe humanizmin në kohët më të errëta.

Roli i Shkurtes, i interpretuar nga aktorja Delinda Disha, sjell një nga sakrificat më të rënda njerëzore: për të mos çnderuar familjen dhe për të mos thyer Besën, ajo sakrifikon burrin e saj, i cili merret nga gjermanët për t’u ekzekutuar bashkë me priftin e fshatit.

Një familje myslimane që u ka dhënë Besën dy miqve hebrenj, duke refuzuar t’i dorëzojë tek gjermanët, pavarësisht pasojave tragjike.

Roli i Ismailit interpretohet nga aktori i mirënjohur ndërkombëtar Arben Bajraktaraj. Skenari dhe regjia: Dhimitër Ismailaj & Valona Ismailaj”, shkruan Rama.

View this post on Instagram

A post shared by Edi Rama (@ediramaal)