Finalja e Conference League: Betis sfidon Chelsea-n në Poloni

Conference League do të njohë në mbrëmje fituesin e edicionit të katërt të këtij kompeticioni, ku në finale luhet dueli Chelsea-Real Betis. Përballja pritet me interes, ndërsa është caktuar të luhet në Poloni në një impiant me kapacitet 45 mijë vende. Favoritë për fitimin e përballjes dhe të trofeut njëkohësisht janë londinezët, të cilët që në nisje të këtij rrugëtimi ishin skuadra që po bindnin më së tepërmi.

Në anën tjetër, Real Betis, i rilindur pas ndërhyrjeve të bëra në merkato, ndërsa cilësohet si një skuadër që mund të marrë rezultat pozitiv ndaj kujtdo. Kjo është ndeshja e 3-të mes tyre, pasi më herët janë përplasur në Champions League 2 dekada më parë, një fitore 4-0 për blutë dhe 1-0 për spanjollët.

Në këtë finale mungesat janë të shumta në të dyja kampet, sidomos në atë spanjoll ku në dyshim është dhe Lo Celso. Te miqtë nga Anglia janë 5 lojtarë të padisponueshëm, mes tyre dhe emra si Lavia apo ukrainasi Mudryk. Betis drejtohet nga një strategji siç është Manuel Pellegrini që e njeh mjaft mirë kampionatin anglez, pasi më herët ka drejtuar Man Cityn, por dhe West Ham, teksa në anën tjetër bëhet fjalë për Enzo Marescan.

LEXONI GJITHASHTU:

• Zyrtare, Milan njofton emërimin e Igli Tares si Drejtor Sportiv
• Igli Tare shkon te Milani, zbulohen detaje nga kontrata: Sa do të jetë paga vjetore