Financimet ruse, Paloka: Çështja të hetohet, kërkojmë të sqarohet pozicioni i PD-së

Kreu i Këshillit Kombëtar të PD-së Edi Paloka, është shprehur se duhet të nisë një hetim për financimet ruse, pasi sipas tij është një akuzë që rëndon mbi forcën e tyre politike.

Në një intervistë për Euronews Albania, Paloka theksoi se kanë kërkuar zhvillimin e një auditi në mënyrë që kjo çështje të sqarohet deri në fund.

“Kjo histori ka filluar që në vitin 2017. PD nuk ka asnjë lidhje me paratë ruse është bërë një lobim dhe janë paguar 25 mijë dollarë nga PD por e gjithë çështja mbyllej këtu. Në atë kohë të gjithë do të besonim Bashën.

Sot kemi në një tjetër situatë. Nuk është më Balla, që ngre akuzën, por është një akuzë që ngrihet nga zyrtarë të DASH. Akuza është e rëndë. Edhe pse është një çështje personale e Bashës nuk goditet vetëm ai. Kemi fjalën e Bashës përballë këtyre akuzave. Është një akuzë serioze dhe ne do të kërkojmë hetim të kësaj çështje  dhe në këto kushte jemi. Kemi kërkuar që të sqarohet deri në fund kjo çështje. Kërkojmë të sqarohet pozicioni i PD-së.  Kemi kërkuar zhvillimin e auditit për të sqaruar këtë situatë financiare brenda PD-së”- nënvizoi Paloka.

I pyetur se përse nuk e pyesin Lulzim Bashën, në lidhje me financimet ruse dhe akuzat e DASH, Paloka theksoi: Unë e kam pyetur Bashën në momentin që këto akuza dhe më dha të njëjtën përgjigje që ka dhënë publikisht. Tha se janë 25 mijë dollarë. Pra ato që deklaroi publikisht, deklaroi dhe në ato kohë.

LEXONI GJITHASHTU:

• Financimet ruse në PD, Bumçi: Nuk ka hetim apo vendim për këtë çështje
• Rama mbajti peng Bashën me dosjen për financimet ruse, thotë Berisha
• Financimet ruse, pritet publikimi i të tjera dosjeve nga Inteligjenca Amerikane