Finlanda dhe Suedia do të shprehin dëshirën e tyre për t’u bashkuar me NATO-n në muajin maj. Kështu kanë bërë me dije njoftuan mediat lokale, Iltalehti në Finlandë dhe Expressen në Suedi.
Pushtimi rus i Ukrainës, të cilin ajo e quan një “operacion special”, ka detyruar Suedinë dhe Finlandën të shqyrtojnë nëse të qëndruarit vend neutral, mund të garantojë sigurinë kombëtare të tyre.
Sipas gazetës finlandeze Iltalehti, liderët e Finlandës dhe Suedisë planifikojnë të takohen më 16 maj dhe më pas do të shpallin publikisht planet e tyre për të aplikuar për anëtarësim në aleancë, shkruan Reuters.
Ministri i Jashtëm finlandez Pekka Haavisto nuk pranoi të komentonte rreth kësaj çështjeje, por përsëriti pikëpamjen e tij të kahershme se ai do të preferonte që Finlanda dhe Suedia të bënin zgjedhje të ngjashme.
E përditshmja suedeze Aftonbladet tha se Shtetet e Bashkuara dhe Mbretëria e Bashkuar i kishin premtuar Suedisë rritje të pranisë ushtarake, stërvitje më të intensifikuara dhe mbështetje të fortë politike gjatë procesit të mundshëm të aplikimit në NATO.
