Fjala e parë e Fico pas atentatit: Nuk ndiej urrejtje ndaj sulmuesit, e fal

Kryeministri sllovak Robert Fico njoftoi sot në një video-mesazh se ai mund të kthehet në punë në fund të këtij muaji ose në korrik pas atentatit ndaj tij në 15 maj.

Fico publikoi një fjalim në internet, i cili është shfaqja e tij e parë që kur u plagos rëndë në një atentat tre javë më parë, raporton Euroneës.

Fico tha se ai duhet të kthehet në punë diku midis qershorit dhe korrikut dhe se ai nuk ndjen “asnjë urrejtje” ndaj sulmuesit të tij.

“Unë e fal”, tha kryeministri sllovak.

Fico tha se nuk do të ndërmarrë asnjë veprim aktiv ligjor ndaj Cintula, të cilin e cilësoi si “lajmëtar të së keqes dhe urrejtjes politike”, as nuk do të kërkojë dëmshpërblim, transmeton Pravda.

“Më 15 maj, një aktivist i opozitës sllovake tentoi të më vriste për shkak të pikëpamjeve të mia politike”, tha ai dhe theksoi se nuk kishte arsye të besonte se ishte një sulm i një të çmenduri të vetëm.

LEXONI GJITHASHTU:

• Kryeministri sllovak lë spitalin, Fico transferohet me helikopter në banesën e tij
• Zemërimi pushton Sllovakinë, çfarë paralajmëroi Fico para atentatit