‘Rama fjalim dinjitoz’, Hyseni: Raporti i Marty dëmton Kosovën dhe Shqipërinë

Skënder Hyseni, ish-kryenegociator për dialogun Kosovë-Serbi e cilëson absolutisht dinjitoz fjalimin e mbajtur një ditë më parë nga kryeministri Edi Rama në Asamblenë e Këshillit të Euroipës.

Në një intervistë për Euronews Albania, Hyseni u shpreh se raporti i Dick Marty, nga ka buruar rezoluta e miratuar 11 vjet më parë nga KiE, dëmton Kosovën dhe Shqipërinë.

“E kam perceptuar si një fjalim absolutisht dinjitoz. Me një fuqi argumentimi të jashtëzakonshme dhe si të tillë e kam përshëndetur, madje e kam kualifikuar si trokitje në ndërgjegjen e Këshillit të Evropës. Përbërja aktuale e KiE mund të ketë ndryshuar me atë të vitit 2011, kur u aprovua raporti skandaloz dhe i turpshëm i Dick Marty, nga ka buruar dhe rezoluta që Kosovën dhe shtetin shqiptar i fajësonte për gjoja trafikim të organeve”, tha Hyseni.

Sipas tij, fjalimi i Ramës pikërisht tani dhe jo me herët lidhet me faktin se Gjykata Speciale, që u themelua nga Kosova me qëllimin që të pastronte veten nga kjo akuzë kaq e rëndë, nuk ka asnjë referencë lidhur gjetjet e këtij raporti.

“Për mua është absurde që një gjykatë që është themeluar që të hetojë raportin e Dick Marty, nuk u bën referencë gjetjeve të tij”, u shpreh Hyseni.

LEXONI GJITHASHTU:

• Fjalimi i Ramës në KiE, Harxhi: Skandal diplomatik, s’përmendi gjenocidin në Kosovë
• Fjalimi i Ramës në KiE, Kurti: S’mund të mbrosh Kosovën pa adresuar krimet e Serbisë