Një tragjedi ka ndodhur në Greqi këtë të mërkurë duke lënë pas mbi 50 viktima.

Kjo është shifra që raportohet deri më tani nga përplasja e trenave në afërsi të Larisës.

Aksidenti hekurudhor ka ndodhur në hyrje të luginës së Tempes, ku treni i pasagjerëve që udhëtonte midis Athinës dhe Selanikut me 350 persona në bord u përplas me një tren mallrash.

Momenti i përplasjes është transmetuar në mediat greke dhe siç duket nga pamjet shpërthimi ka qenë aq i fuqishëm sa flakët duket sikur kanë “pushtuar” qiellin.

e

Të mbijetuarit kanë treguar se vagonët u përfshinë me shpejtësi nga flakët, njerëzit digjeshin të gjallë, ndërsa ishte shumë e vështirë të nxirrje personat nga mjeti i shkatërruar.

Greqia ka shpallur 3 ditë zie kombëtare në nder të viktimave.

LEXONI GJITHASHTU:

• Përplasja e trenave në Greqi, ‘shpërthejnë’ protestat pas tragjedisë me 43 të vdekur
• Flet punonjësja e emergjencave në Greqi: 50 viktima! Në vagonë ka vetëm kocka e gjak