Flet mamaja e vajzës të përdhunuar në Korçë: Burri gjeti djalin të zhveshur

Valbona Grozdani, mamaja e vajzës që dyshohet se u përdhunua nga kryeplaku i fshatit Rehovë, Ervin Rrapo, ka zbuluar për mediat dinamikën e ngjarjes.

Grozdani thotë se ishte bashkëshorti i saj që gjeti të zhveshur dhe të dehur djalin në koridorin e banesës.

Sipas saj vajza ndodhet në gjendje të rënduar psikologjike dhe deklaron se marrëdhënia u krye pa dëshirën e saj.

“Ishim në arrë, çupën e lëmë në shtëpi, erdhi burri e gjeti me djalin të zhveshur në korridor. Kishte pirë ai. Vajza nuk ka probleme mendore, është normale, me 2 klasë shkollë. Edhe vajza më tha që djali e zuri, vajza nuk donte. Nuk takoheshin më parë, hyrje dalje kishim si gjithë fshatarët. E gjeti burri dhe iku me vrap, e ndoqi burri që të flisnin të sqaroheshin, ai na shau. S’kemi patur konflikte. Vajza sështë aq mirë se u trondit”, tha Grozdani.

Në lidhje me rastin babai i 23-vjeçares ka bërë një kallëzim në polici, çka bërë që të arrestohet kryeplaku i fashatit Ervin Rrapo.

LEXO GJITHASHTU:

• Përdhunon 23-vjeçaren, arrestohet kryeplaku i fshatit Rehovë (EMRI)
• I biri u arrestua për përdhunim, flet e ëma e kryeplakut: Beqar është, i hapin namin