Fluks i lartë pasagjerësh në Portin e Durrësit gjatë fundjavës

Porti i Durrësit ka përjetuar një rritje të ndjeshme të hyrjeve të pasagjerëve gjatë fundjavës së fundit, në përputhje me intensifikimin e lëvizjeve në kulmin e sezonit veror.

Sipas të dhënave zyrtare, në periudhën 18–20 korrik, në port kanë hyrë gjithsej 13,398 pasagjerë nga portet italiane. Dita me fluksin më të madh ka qenë e diela, me 5,289 pasagjerë të regjistruar në hyrje. Të shtunën kanë hyrë 4,820 persona, ndërsa të premten 3,289.

Përballë kësaj rritjeje, autoritetet portuale kanë shtuar kapacitetet operacionale. Trageti në linjën Durrës–Bari po operon me dy lundrime në ditë që nga fundjava e kaluar, ndërsa linja Durrës–Ankona ka kaluar në regjim ditor prej fillimit të korrikut.

Zyrtarë të Autoritetit Portual të Durrësit kanë deklaruar se strukturat janë angazhuar në mënyrë të plotë për të përballuar fluksin dhe për të garantuar një proces të sigurt, të shpejtë dhe të organizuar për përpunimin e pasagjerëve.

Rritja e lëvizjes pritet të vijojë edhe në javët në vijim, ndërsa destinacioni detar më i madh i vendit mbetet një nga pikat kyçe të hyrje-daljeve të turistëve dhe emigrantëve gjatë sezonit veror.

LEXONI GJITHASHTU:

• Kosova cakton një muaj paraburgim për zyrtarin e Qeverisë serbe
• Helmohet kryeministri izraelit, Benjamin Netanyahu