English

Fluks pacientësh në pediatri, një mjek kryen 50 vizita në ditë

KOMENTE

SHPERNDAJE
ARTIKULLIN

Text sizeAa Aa

Mjekët pediatër ditët e fundit po përballen me një fluks pacientësh të vegjël që janë prekur nga virozat e stinës. Numri i vizitave ditore që kryen një mjek ka shkuar deri në 50.

- Advertisement -

“Ka shumë viroza që qarkullojnë. Natyrisht është gripi, edhe viroza të tjera, interviroza, gastroentertitet që qarkullojnë. Janë me shenja temperaturë, kollë, kemi dhimbje fyti, dhimbje veshi. Ka viroza që shfaqen me të vjella ose me diarre.

Më shumë janë fëmijët e çerdheve dhe të kopshteve, por ka dhe të moshave të shkollës 9-vjeçare ose gjimnaz”- shprehet Dashuri Greço, mjeke pediatre.

Përveç virozave mes tyre ka edhe të infektuar me virusin COVID-19.

“Në përgjithësi ka rezultuar që fëmijës që i është bërë testi kanë dalë të gjithë negativ, pavarësisht se mund të kenë qenë me COVID, sepse ne bëjmë edhe analizën e gjakut ku shohim nga ndryshimet në formulën leukucitare shohim se ka qenë COVID”- shton ajo.

Specialistët këshillojnë prindërit të jenë të kujdesshëm gjatë kësaj periudhe, duke pasur nën kontroll gjendjen shëndetësore të fëmijëve.

“E mira është që prindi tre dita ta mbaj fëmijën në shtëpi. Në qoftë se është me temperaturë të përdori shurup paracetamol ose shurup brufen që është algofreni ose norofeni. Duke ardhur direkt në spital, në urgjencë, e para punës mund të marri dhe një infeksion tjetër”- nënvizon mjekja.

Mjekët apelojnë prindërit t’i mbajnë në shtëpi fëmijët e sëmurë në mënyrë që të mos infektojnë bashkëmoshatarët e tyre dhe të mos përhapet më shumë.

LEXONI GJITHASHTU: 

 

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?