Partia Demokratike akuzon kryeministrin Edi Rama se ka udhëtuar me charter dy herë më shumë se ish-Presidenti amerikan Xhorxh Bush, i cili në dy mandate ka kryer 74 fluturime me Air Force One.
Në një deklaratë për mediat, deputeti demokrat Luçiano Boçi u shpreh se kryeministri është i shkëputur nga realiteti dhe hallet e popullit të vet.
“137 fluturime ka kryer zotëria e tij me avionin kryeministror, dhuratë e Erdoganit, pajë për zhbërjen e shkollave dhe llahtarisjen e fëmijëve shqiptarë. Dy herë më shumë se ish-Presidenti amerikan Xhorxh Bush që, në dy mandate, ka kryer 74 fluturime me Air Force One.
Njeriu më i fuqishëm i botës ka kryer dy herë më pak fluturime në dy mandate se lideri më i pafuqishëm i Europës. Këtë të fundit nuk e thotë PD, ndaj i kërkojmë të mos zemërohet, por e thotë media e njohur Politiko.eu.”, tha Boçi.
LEXONI GJITHASHTU:
