Fluturimi i parë pas tre muajsh në “Adem Jashari”

Nga sot ka rifilluar operimi i plotë i fluturimeve të rregullta në Aeroportin Ndërkombëtar të Prishtinës “Adem Jashari”.

Kjo pasi qeveria e Kosovës disa ditë më parë mori vendim që nga data 28 qershor të rihapet aeroporti i Prishtinës, duke theksuar edhe rregullat e rekomandimet të cilave udhëtarët duhet t’u përmbahen.

Në njoftimin e Aeroportit Ndërkombëtar të Prishtinës ‘Adem Jashari’ thuhet se fluturimi i parë ishte nga Basel me Air Mediterrenean, fluturim ky që solli udhëtarët e parë me datë 28.06.2020 në ora 00:50 pas më shumë se tre muaj në Aeroportin Ndërkombëtar të Prishtinës “Adem Jashari” LKIA.

Më tej në nënvijëzohen edhe rregullat për masat e sigurisë të cilat duhet të zbatohen nga udhëtarët dhe kompanitë ajrore.