FMN: Konflikti në Ukrainë do të ketë pasoja ekonomike globale

Konflikti në Ukrainë do të ketë pasoja për rimëkëmbjen ekonomike globale, tha drejtoresha e Fondit Monetar Ndërkombëtar, Kristalina Georgieva.

Ajo tha se FMN-ja është në proces të dërgesave prej 2.2 miliardë dollarësh që i janë ndarë si ndihmë Ukrainës.

Georgieva tha se FMN-ja mund të ofrojë ndihmë edhe për shtetet e tjera që do të ndikohen nga konflikti në Ukrainë.

I am deeply concerned about what is happening in Ukraine and, first & foremost, impact on innocent people. This adds significant economic risk for the region & the world. We are assessing the implications & stand ready to support our members as needed.

— Kristalina Georgieva (@KGeorgieva) February 24, 2022

Ajo, mes tjerash tha se është “thellësisht e shqetësuar” për ndikimin që këto veprime ushtarake mund të kenë ndaj popullit të Ukrainës dhe se vazhdimi i luftimeve “shton rreziqet ekonomike për rajonin dhe botën”.

FMN-ja tha se po vazhdon të vlerësojë ndikimin ekonomik, por do të jetë “e gatshme të ndihmojë shtetet anëtare nëse është e nevojshme”.

LEXONI GJITHASHTU: 

• Përditësime LIVE: 137 viktima nga sulmet e Rusisë në Ukrainë, rusët në Kiev