English

Forcat ukrainase rrëzojnë 13 dronë kamikazë në Mykoliav

KOMENTE

SHPERNDAJE
ARTIKULLIN

Text sizeAa Aa

Ushtria e Ukrainës tha se ka rrëzuar 13 dronë “kamikazë” mbi rajonin jugor të Mykolaiv gjatë natës.

- Advertisement -

“Gjatë natës së 18-19 tetorit, armiku sulmoi dy herë rajonin e Mykolaiv-it me dronë kamikazë ‘Shahed-136. Njëmbëdhjetë u qëlluan nga Mbrojtja Ajrore e Komandës Ajrore “Jug”, dy të tjerë nga ushtarët e Gardës Kombëtare të Ukrainës dhe Shërbimit Shtetëror Kufitar të Ukrainës”- thuhet në deklaratën e Forcave të Armatosura, shkruan CNN.

Çfarë janë dronët “kamikazë”? 

Ndryshe nga dronët ushtarakë më tradicionalë, më të mëdhenj dhe më të shpejtë që kthehen në bazë pas hedhjes së raketave, dronët “kamikazë” janë krijuar për t’u përplasur me një objektiv dhe për të shpërthyer.

Ushtria ukrainase dhe inteligjenca amerikane thonë se Rusia po përdor dronë sulmues të prodhuara nga Irani.

Zyrtarët amerikanë i thanë CNN në korrik, se Irani kishte filluar të shfaqte dronët e serisë Shahed në Rusi, në aeroportin Kashan në jug të Teheranit muajin e kaluar.

Në gusht, zyrtarët amerikanë thanë se Rusia i kishte blerë këta dronë dhe po trajnonte forcat e saj se si t’i përdornin ata.

Sipas presidentit të Ukrainës, Volodymyr Zelensky, Rusia ka porositur 2400 dronë Shahed-136 nga Irani.

LEXONI GJITHASHTU: 

LEAVE A REPLY

Please enter your comment!
Please enter your name here

Etiketimet

TË FUNDIT

spot_img

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?