Forumi i Paqes, Macron pret Kurtin në pallatin presidencial

Kryeministri i Kosovës, Albin Kurti, është pritur të mërkurën në mbrëmje nga Presidenti i Francës, Emmanuel Macron, për darkën solemne të organizuar në Pallatin Elysee në kuadër të edicionit të 10-të të Forumit të Paqes në Paris.

“Mysafirë të Presidentit të Francës, Emmanuel Macron, në pallatin ikonik presidencial Elysee, për darkën solemne të edicionit të 10-të të Forumit të Paqes në Paris”, ka shkruar Kurti në Facebook krahas shpërndarjes së fotografive nga kjo ngjarje.

Forumi i Paqes mbledh çdo vit udhëheqës shtetesh, përfaqësues të organizatave ndërkombëtare dhe shoqërisë civile për të promovuar dialogun dhe multilateralizmin si mjete për zgjidhjen e konflikteve dhe forcimin e institucioneve demokratike.

Ndërkohë, Kurti ka marrë pjesë disa herë në Forumin e Paqes gjatë mandatit të tij katërvjeçar.

Gjatë qëndrimit në Paris, krahas pjesëmarrjes në Forumin e Paqes, sipas njoftimit, ai do të zhvillojë edhe takime bilaterale.

LEXONI GJITHASHTU:

• Nga Kurti te Rama, Liburn Aliu: Këtu më shohin si të Kosovës, atje si të Shqipërisë
• Albin Kurti udhëton për në Francë, merr pjesë në Forumin e Paqes në Paris